Еўразвяз падтрымаў уступленне Казахстана ў СГА

Уступаць у Сусветную гандлёвую арганізацыю Казахстан збіраецца, як і Расея, самастойна.

ЕЗ цалкам падтрымлівае ўступленне Казахстана ў СГА. Як паведамляе ІТАР-ТАСС, пра гэта заявіў сёння прэзідэнт ЕЗ Херман Ван Рампей паводле вынікаў сустрэчы з прэзідэнтам Казахстана Нурсултанам Назарбаевым, перадае ІТАР-ТАСС.

«Мы абмеркавалі ўступленне Казахстана ў СГА і я пацвердзіў поўную падтрымку ЕЗ гэтаму працэсу», - падкрэсліў ён.

У сваю чаргу, Н. Назарбаеў адзначыў, што бачыць «вельмі пазітыўную дынаміку ў гэтым пытанні».

Гаворачы пра СГА, ні адзін з лідараў не закрануў пытанне пра планы сумеснага ўступлення ў СГА Расеі, Казахстана і Беларусі ў межах адзінага Мытнага саюза.