У Менск прыбыла дэлегацыя ад Туркменбашы
8- 26.04.2010, 11:32
Самалёт парламенцкай дэлегацыі Туркменістана прызямліўся ў Нацыянальным аэрапорце Менск.
Дэлегацыю, якая прыбыла ў Беларусь з афіцыйным візітам, узначальвае старшыня меджліса Туркменістана Акджа Нурбердыева.
Візіт працягнецца два дня. Сёння запланаваная сустрэча старшыні «палаты прадстаўнікоў» «нацыянальнага сходу» Беларусі Уладзіміра Андрэйчанкі з кіраўніком парламента Туркменістана. Чакаецца, што туркменскія парламентары таксама абмяркуюць сёння актуальныя пытанні двухбаковага ўзаемадзеяння са старшынём «савета рэспублікі» Барысам Батурам і старшынём Беларускага саюза жанчынаў Надзеяй Ермаковай.
27 красавіка прадугледжаныя сустрэчы туркменскай дэлегацыі з міністрам замежных справаў Беларусі Сяргеем Мартынавым, міністрам адукацыі Аляксандрам Радзьковым, а таксама наведванне Менскага трактарнага заводу, Нацыянальнай бібліятэкі Беларусі.