Лёс дыктатараў (Фота)

Цывілізаваны свет асуджае дзейнасць дыктатараў і прысуджае іх да вялікіх тэрмінаў пазбаўлення волі.

Часовы ўрад Кыргызстана падрыхтаваў дэкрэт аб зняцці з пасады прэзідэнта Курманбека Бакіева, пазбаўленні яго імунітэту і забеспячэнні яго дастаўкі на радзіму, нагадвае «Радыё Свабода».

У Кыргызстане супраць Бакіева распачатая крымінальная справа па факце гібелі людзей падчас мітынгу, арганізаванага апазіцыяй 7 красавіка ў Бішкеку. Пры штурме кіргізскага Белага дома загінулі больш за 80 чалавек.

Лёс дыктатараў бывае розным. Але ў апошнія дні стужкі навін прынеслі паведамленні пра тое, як не пашанцавала дваім з іх.

Былы дыктатар Панамы Мануэль Нар’ега быў экстрадаваны з ЗША ў Францыю. Дазвол на экстрадыцыю падпісала дзяржсакратар Хілары Клінтан. У 1999 годзе Парыжскі суд абвінаваціў Нар’егу ў адмыванні грошаў праз французскія банкі і кантрабандзе наркотыкаў. Завочна яго прысудзілі да 10 гадоў турэмнага зняволення і грашовых штрафаў. Па ацэнцы французскай пракуратуры, былы дыктатар «адмыў» каля трох мільёнаў даляраў, набыўшы нерухомасць у Парыжы.

У 1992 годзе амэрыканскі суд прысудзіў Нар’егу да 40 гадоў пазбаўлення волі за падтрымку тэрарызму і гандаль наркотыкамі. Пазней за супрацоўніцтва са следствам тэрмін скарацілі да 17 гадоў. Адвакаты Нар’егі настойваюць на яго вяртанні ў Панаму. Аднак і там яго не чакала б свабода, у 1995 годзе суд Панамы завочна прысудзіў Норьегу да 20 гадоў пазбаўлення волі за дачыненне да палітычных забойстваў.

Мануэль Нар’ега быў кіраўніком Панамы ў 1983-1989 гадах. У 1968 годзе ён падтрымаў дзяржаўны пераварот, праведзены генералам Амар Тарыхасам, у 1983-м Нар’ега стаў камандуючым нацыянальнай гвардыі, фактычна кіраўніком дзяржавы. Да канца 1980-х ён зрабіў з краіны перавалачны пункт для калумбійскіх наркотыкаў.

У 1989 годзе ЗША правялі ваенную аперацыю ў Панаме, якая ставіла мэтай звяржэнне дыктатара. Ён схаваўся на тэрыторыі прадстаўніцтва Ватыкана, але праз 10 дзён здаўся амэрыканцам.

А ў Буэнас-Айрэсе суд на днях вынес прысуд былому дыктатару Аргенціны, 82-гадоваму Рейнольду Біньёнэ і яшчэ шасцярым былым ваенным і паліцэйскім.

Суд над ім пачаўся ў Буэнас-Айрэсе ў пачатку лістапада 2009 года. Рейнольд Біньёнэ кіраваў краінай у 1982-1983 гадах. Яго і яго паплечнікаў абвінавачвацілі ў парушэнні правоў чалавека, здзек і катаванні, якія праводзіліся ў сакрэтных турмах падчас ваеннай дыктатуры. Аргентынскі суд прысудзіў дыктатара і яшчэ двух былых ваенных да 25 гадоў турмы. Першапачаткова абвінавачванне патрабавала прысудзіць Біньёнэ да 50 гадоў турмы.

Год таму такі ж лёс напаткаў былога прэзідэнта Перу Альберта Фухіморы, які кіраваў краінай з 1990 па 2000 гады. Практычна 9 гадоў ён хаваўся па розных краінах ад перуянскага правасуддзя, пакуль не быў арыштаваны ў Чылі і не выдадзены Перу. У красавіку 2009 года Фухіморы быў прысуджаны да 25 гадоў турмы за арганізацыю «эскадронаў смерці», забойствы палітычных апанентаў і іншыя злачынствы.