На беларускага цяжкаатлета ўпала штанга (Фота)
18- 7.04.2010, 14:08
Беларускі цяжкаатлет у катэгорыі да 62 кг Генадзь Махвееня атрымаў траўму падчас выступу на Чэмпіянаце Еўропы па цяжкай атлетыцы ў Менску.
Зараз спартсмен знаходзіцца ў 6-й клінічнай бальніцы.
Як паведаміў газеце «Наша Ніва» галоўны трэнер нацыянальнай зборнай Беларусі Аляксандр Ганчароў, паводле вынікаў папярэдняга медыцынскага агляду, Генадзю Махвееню нічога не пагражае. Сёння ўрачы плануюць працягнуць абследаванне.