Чацвёра салдатаў пацярпелі ад выбуху на палігоне

Самаадвольны выбух выбухованебяспечнага прадмета, які раней не разарваўся, адбыўся ў сераду на адным з вайсковых палігонаў.

У гэты час ішла падрыхтоўка тактычнага поля да правядзення стрэльбаў, паведамілі БелТА ў прэс-службе Міністэрства абароны Беларусі.

У выніку выбуху траўмы рознай ступені цяжкасці атрымалі чацвёра вайскоўцаў. Пацярпелым у аператыўным парадку аказаная кваліфікаваная медыцынская дапамога. У цяперашні час іх жыццё знаходзіцца па-за небяспекай.

Прычыны і абставіны здарэння высвятляюцца камісіяй Мінабароны і следчай групай Беларускай ваеннай пракуратуры.