Чэхія гатовая прыняць усіх беларускіх палітуцекачоў
19- 10.01.2011, 18:25
І абяцае не выдаваць іх Беларусі, нягледзячы на патрабаванні Інтэрпола. А актывістам апазіцыі могуць выдаваць візы па спрошчанай працэдуры.
Пра гэта падчас сустрэчы з дэлегацыяй беларускіх дэмакратычных сіл заявіў міністр унутраных спраў Чэхіі Радэк Ён, паведамляе Еўрарадыё.
"Чэхія ведае, што КДБ мае даволі вялікія магчымасці для маніторынгу сітуацыі, і як толькі пачнуцца працэдуры палітычнага прытулку, тут жа з'яўляецца ліст Інтэрпола, што гэтага чалавека трэба выдаць. Чэхія не будзе ажыццяўляць экстрадыцыі беларускіх палітуцекачоў. Больш за тое, Чэхія гатовая прыняць і абараніць ўсіх беларускіх палітуцекачоў, якія пацярпелі ад рэпрэсій, звязаных з прэзідэнцкімі выбарамі 19 снежня 2010", - сказалі прадстаўнікі МУС.
На сустрэчы з чэшскім міністрам і дырэктарам аддзела па міграцыі Томашам Хайшманам прысутнічалі Сяргей Калякін, Станіслаў Шушкевіч, Аляксандр Казулін, Дзяніс Садоўскі і Віктар Івашкевіч.