У Менску "Газель" сутыкнулася з помнікам МАЗу

У Менску п'яны кіроўца ўрэзаўся ў помнік, паведамілі ў АДАІ Заводскага раёна сталіцы.

ДТЗ адбылося 16 студзеня каля 03.30 на вуліцы Сацыялістычнай. У пастамент помніка адной з мадэлі аўтамабіляў МАЗ на грузавой "Газелі" ўрэзаўся мужчына 1987 года нараджэння. У салоне з ім была дзяўчына. У аварыі ніхто сур'ёзна не пацярпеў, перадае БелТА.

Помнік таксама застаўся цэлы, а вось аўтамабіль, хутчэй за ўсё, аднаўленню не падлягае.

Зараз ДАІ высвятляе больш падрабязныя абставіны здарэння.