«Галоўны эксперт па якасці» - Коля Лукашэнка
131- 6.04.2011, 16:38
У ходзе рабочай паездкі ў Брэсцкую вобласць Аляксандр Лукашэнка разам з сынам наведаў у Кобрыне фабрыку дзіцячых цацак СТАА «ВП Палессе».
На фабрыцы ў цэнтры ўвагі кіраўніка дзяржавы была тэма фарміравання айчынных брэндаў на аснове вырабленай высакаякаснай прадукцыі, паведамляе БелТА.
Аляксандр Лукашэнка азнаёміўся з тэхналагічным працэсам і перспектывамі развіцця прадпрыемства.
Як паведаміў тэлеканал СТВ, «падчас агляду цэхаў галоўным экспертам па якасці выступіў сын Аляксандра Лукашэнкі – Мікалай».
Як піша газета «Салiдарнасць», акрамя таго, па расповядзе тэлеканала, зносіны Аляксандра Лукашэнкі з працаўнікамі фабрыкі прайшлі цёпла і ўтульна: «ніякіх асаблівых скаргаў» не было - з радасцю адзначыла СТВ.
