«Белкамунмаш» прадаў Кішынёву буйную партыю бракаваных тралейбусаў

Каля 70% тралейбусаў, закупленых ў Беларусі для эксплуатацыі ў межах Кішынёва, прыйшлі ў непрыдатнасць.

Няспраўныя транспартныя сродкі знятыя з маршрутаў і адпраўленыя ў рамонт, паведамляе агенцтва Новости-Молдова. Усяго ў рамонце знаходзіцца 16 з 25 новых тралейбусаў. Менскаму заводу паведамілі аб няспраўнасці.

Па дадзеных муніцыпальных чыноўнікаў, праблемы з новымі адзінкамі электратранспарту з'явіліся адразу ж з пачатку іх эксплуатацыі.

У 2010 годзе кішынёўская прымэрыя і Еўрапейскі банк рэканструкцыі і развіцця падпісалі пагадненне аб прадастаўленні малдаўскаму баку 13,7 мільёны еўра на набыццё 102 менскіх тралейбусаў вытворчасці «Белкамунмаш». Кошт кожнага тралейбуса перавышае 125 тысяч еўра.