Замоўцаў тэракту ў менскім метро не знайшлі

На думку следства, выканаўцы тэракту ў менскім метро дзейнічалі самастойна, наяўнасць замоўцаў не ўсталяваная.

Завершанае папярэдняе расследаванне тэракту, які адбыўся ў менскім метро ў красавіку 2011 года, а таксама выбухаў у Менску ў 2008 годзе і ў Віцебску ў 2005 годзе, паведаміў журналістам у панядзелак у Мінску намеснік генеральнага пракурора Беларусі Андрэй Швед, перадае «Інтэрфакс Захад».

«Папярэдняе расследаванне крымінальнай справы аб тэрарыстычных актах у менскім метрапалітэне ў красавіку бягучага года, а таксама ў Менску ў 2008 годзе і Віцебску ў 2005 годзе завершана», - сказаў А. Швед.

«Сёння крымінальная справа перададзеная пракурору для накіравання ў суд», - дадаў ён.

Замоўцаў не знайшлі

Следства не лічыць, што тэракты, здзейсненыя ў Беларусі ў 2005, 2008 і 2011 гадах, насілі замоўны характар, паведаміў журналістам у панядзелак у Менску намеснік генеральнага пракурора Беларусі Андрэй Швед.

«З усёй адказнасцю заяўляю, што ў працэсе расследавання крымінальнай справы, вытворчасці комплексу аператыўна-вышуковых мерапрыемстваў, дадзеных, якія паказваюць на наяўнасць за спіной У. Кавалёва і З. Канавалава якіх-небудзь спонсараў ці замоўцаў, няма. Нават ўскосных дадзеных няма», - сказаў А. Швед.

«З усёй упэўненасцю магу сказаць, што яны дзейнічалі самастойна», - канстатаваў ён.

Намгенпракурора падкрэсліў, што беларускія тэрарысты ажыццяўлялі сваю злачынную дзейнасць на працягу 10 гадоў. «Першае злачынства яны здзейснілі ў 2000 годзе», - праінфармаваў А. Швед.