Генерал Фралоў абвясціў САС

Генерал Валер Фралоў стварыў у сацыяльнай сетцы групу САС - Саюз афіцэраў і салдатаў.

«Стварэнне групы САС (Саюз афіцэраў і салдатаў) з'яўляецца нашай агульнай ініцыятывай, падтрыманай шматлікімі калегамі і паважанымі людзьмі, для якіх паняцці воінскага гонару, афіцэрскай прыстойнасці і барацьбы за справядлівасць не ператварыліся ў пустыя гукі. Мы не ставім для сябе на гэтым шляху палітычных мэтаў, не пазначаем ваяўнічых настрояў і ні ў якім разе не хочам панічнага бязмежжа і непрыязнасці паміж грамадзянамі, паміж людзьмі розных поглядаў і памкненняў.

Нашыя матывы - разуменне вар'яцтва сітуацыі, якая складваецца, і жаданне захаваць не толькі мірнае неба над галавой, але яшчэ і забяспечыць гэтым мірным небам нашых дзяцей і ўнукаў.

Група САС - гэта спроба стварэння прадметнага дыскусійнага клуба, дзе сваімі думкамі могуць падзяліцца людзі, здольныя абараняць Радзіму. Тут ёсць месца для ўсіх. Для тых, хто абараняе цяперашнюю ўладу. Для тых, хто катэгарычна супраць гэтай улады. І асабліва для тых, хто мае не толькі альтэрнатыўныя погляды, але яшчэ і канструктыўныя - здольныя вывесці на дыялог першае з другімі. Мы - салдаты і афіцэры сваёй краіны, а не проста дзяржавы. Давайце вырашаць пытанні сумесна», - заявіў Валера Фралоў.