Севярынцу забаранілі ліставанне з Васьковічам
1- 10.01.2012, 10:10
Павел Севярынец не зможа больш падтрымаць лістом свайго аднадумца па партыі зняволенага Магілёўскай турмы Яўгена Васьковіча, бо яму забаранілі з ім ліставацца.
«Ён паведаміў адвакату, які з ім сустракаўся, што яму прыйшоў канверт ад мяне. За ўвесь час я адправіў яму пяць лістоў і вось ён аб апошнім кажа, што калі адкрыў канверт, там ліста не было, а быў маленькі аркушык паперы. На ім было напісана: «Ліставанне з Севярынцам забароненае», - распавёў Павал Севярынец у інтэрв'ю «Радыё Свабода».
Павел Севярынец кажа, што ў сваіх лістах пераконваў Яўгена Васьковіча адмовіцца ад ужывання гвалту ў палітычнай барацьбе. «Мяркую, што сённяшняя карная машына спецыяльна правакуе маладых людзей на выкарыстанне гвалту, бо на гэтым полі гвалту яна відавочна мацнейшая», - кажа Павел Севярынец.