Банк «Масква-Мінск» прададуць Белінвестбанку

Банк «Масква-Мінск», які ў ліку іншых актываў дастаўся групе ВТБ пры набыцці Банка Масквы, можа быць прададзены Белінвестбанку - дзяржаўнаму банку Рэспублікі Беларусь.

У ВТБ адзначаюць, што Банк «Масква-Мінск» - добры прыбытковы актыў.

Адначасова з продажам дадзенага актыву група ВТБ можа стаць 100-адсоткавым уладальнікам банка «ВТБ Беларусь». Адзначым, што цяпер расейская крэдытная арганізацыя валодае 71,4% акцый гэтага беларускага актыву. Астатнія акцыі належаць дзяржкампаніі «Белнафтахім». Апошняя разглядае цяпер магчымасць выхаду са складу акцыянераў банка «ВТБ Беларусь» і продажу іх асноўнаму акцыянеру, піша РБК daily.

Нагадаем, пытанне павелічэння долі ў капітале беларускай «дочкі» ВТБ кіраўнік банка Андрэй Косцін абмяркоўваў ў кастрычніку 2011 года з прэзідэнтам Беларусі Аляксандрам Лукашэнкам. У ходзе сустрэчы Косцін адзначыў, што рынак Беларусі для ВТБ заўсёды быў адным з прыярытэтных напрамкаў развіцця бізнесу.