Міліцэйскае бязмежжа ўзаконяць

Лукашэнка запатрабаваў заканадаўча павялічыць ўладу міліцыі.

«Мы павінны адразу падумаць аб павелічэнні ўлады міліцыі. Ні ўчастковы, ні міністр, ні іншыя, ніхто не павінен бегаць па дзесяць разоў па адным і тым жа месцы і ўгаворваць кагосьці. Міліцыянт павінен прыйсці і на падставе выразна заканадаўча прапісаных нормаў запатрабаваць выканання абавязкаў той ці іншай асобай, і больш там не з'яўляцца», - заявіў Лукашэнка ў панядзелак, прымаючы з дакладам кіраўніка МУС Ігара Шуневіча, піша «Інтэрфакс».

Такім чынам, адзначыў кіраўнік, «узмоцніцца і адпаведная ўлада службовых асоб у міліцыі, і не толькі ў міліцыі».

Варта адзначыць, што праваабаронцы і міжнародныя арганізацыі адзначаюць, што паўнамоцтваў у беларускай міліцыі і без таго больш чым дастаткова, асабліва для правядзення рэпрэсій і падаўлення іншадумства.