Руху «За свабоду» адмаўляюць у памяшканні для з'езду

Гатэлі «Crown Plaza» і «Вікторыя», а таксама менскі Міжнародны адукацыйны цэнтр адмовіліся здаць у арэнду памяшканне руху «За свабоду».

Прадстаўнікі адміністрацый названых гатэляў сказалі, што памяшканні занятыя. А кіраўніцтва Міжнароднага адукацыйнага цэнтра (IBB) паведаміла, што заснавальнікі, у ліку якіх Менгарвыканкам, прынялі рашэнне прадастаўляць памяшканні толькі для профільных мерапрыемстваў.

У справаздачнай канферэнцыі, якую планаваў правесці рух, павінны прыняць удзел каля 150 дэлегатаў, паведамляе прэс-служба «За свабоду».