У Беларусі зменіцца прынцып пераносу нумароў?
11- 19.10.2012, 17:30
У Беларусі можа змяніцца алгарытм пераносу нумароў паміж аператарамі сотавай сувязі.
Пра гэта паведаміў у сваім Twitter адзін з супрацоўнікаў Міністэрства сувязі і інфарматызацыі Беларусі, знаёмы з ходам абмеркавання праекта. Так, з паведамлення вядома, што аператары ўжо ўзгаднілі новы прынцып, піша onliner.by.
Нагадаем, у свеце існуе два варыянты пераносу нумароў паміж аператарамі. У першым, рэалізаваным у Беларусі, абанент спачатку адмаўляецца ад нумару ў сваёй кампаніі, якая яго абслугоўвае, а потым заключае дамову з новай. Другі варыянт прадугледжвае заяўны прынцып пераносу: абанент адразу заключае дамову з новым аператарам, а той вырашае пытанні пераносу самастойна, без прыцягнення кліента.
Чыноўнік удакладніў, што ў нашай краіне будзе прынцып «як у людзей». Тэрміны ўводу новага алгарытму не называюцца.