У Баранавічах у возеры знайшлі «Фіят» (Фотафакт)

У Баранавічах ратавальнікі дасталі аўтамабіль з возера ў межах горада.

Як паведамляе сайт МНС, у панядзелак у 09.20 ад дзяжурнага Баранавіцкага ГАУС паступіла паведамленне аб тым, што ў возеры Жлобінскае мясцовы жыхар, які выгуліваў сабаку, выявіў аўтамабіль.

Па прыбыцці да месца выкліку ўстаноўлена, што недалёка ад берага на глыбіні адзін метр знаходзіцца аўтамабіль «Fiat Tipo».

Ратавальнікі зачапілі аўтамабіль тросам і вынялі яго з возера. У салоне «Фіята» нікога не выяўлена.

Абставіны здарэння высвятляюцца.