Палітвязня Парфянкова могуць кінуць у ШЫЗА

Прычынай вымовы Васілю Парфянкову стала тое, што ён не змог раніцай падняцца з ложка з-за хваробы.

Пра гэта паведаміла Вольга, якая даўно вядзе перапіску з палітвязнем.

Васіль Парфянкоў тры разы пісаў заявы на сустрэчу з доктарам з прычыны хваробы. Аднак сустрэцца з ім не дазволілі. Цяпер зняволенаму можа пагражаць пакаранне ў ШЫЗА, піша ПЦ "Вясна".

У лісце, датаваным 16 кастрычніка, Васіль Парфянкоў піша, што ў сувязі з пахаладаннем на вуліцы, у самой камеры стала вельмі халодна. Раней ён сядзеў у памяшканні падвальнага тыпу, затым перавялі ў іншую камеру, з лепшымі ўмовамі, але тэмпература там усё роўна нізкая. Зняволены вымушаны спаць у вопратцы.

Па словах Вольгі, цалкам настрой у Васіля Парфянкова бадзёры. «Ён піша, што з гонарам будзе праходзіць гэта выпрабаванне. Ніякія прашэнні аб памілаванні пісаць не будзе», - дадала яна.