Выбары ва Украіне: першыя вынікі
15- 29.10.2012, 9:18
Партыя рэгіёнаў заяўляе аб перамозе на выбарах, апазіцыя кажа аб фальсіфікацыях.
Партыя рэгіёнаў лічыць вынікі парламенцкіх выбараў чаканымі, прагназуемымі і сцвярджае, што яны адназначна сведчаць аб перамозе «рэгіяналаў». Такія заявы ад першых асоб выбарчага спісу партыі пачалі гучаць у выбарчым штабе, як толькі сталі вядомыя вынікі экзіт-полаў,якія прадказвалі перамогу партыі ўлады, перадае ВВС.
Паводле апошніх дадзеных, пасля падліку 15% пратаколаў, кіруючая Партыя рэгіёнаў набірае 38,63% галасоў, апазіцыйная «Бацькіўшчына» - 20,12%.
Акрамя іх у Раду, па ўсёй бачнасці, праходзяць Кампартыя (15,63%), «УДАР» Віталя Клічко (12,06%) і нацыяналістычная партыя «Свабода» (6,71%).
Украінская апазіцыя апублікавала дадзеныя exit-poll'ов, якія адрозніваюцца ад афіцыйных вынікаў, паведамляе выданне «Корреспондент».
Пра іх распавёў старшыня Савета Аб'яднанай апазіцыі Арсеній Яцанюк разам з кіраўніком Цэнтральнага штаба Аб'яднанай апазыцыі Аляксандрам Турчынавым.
Па дадзеных партыі, Партыя рэгіёнаў займае першае месца і набірае 29,75% галасоў, ВА Бацькіўшчына - 25, 17%, партыя УДАР - 12,95%, ВА Свабода - 11,18%, КПУ - 11,12%.
Варта адзначыць, што такія вынікі былі атрыманы пасля апрацоўкі 67,8% пратаколаў.