Двое афіцэраў пацярпелі ад выбуху на палігоне «Лосвіда»
8- 29.10.2012, 10:57
Следчыя праводзяць праверку па факце траўміравання двух афіцэраў падчас тактычных вучэнняў на палігоне «Лосвіда» (Віцебская вобл.)
Аб гэтым паведамілі агенцтву «Інтэрфакс-Захад» у панядзелак у Следчым камітэце Беларусі.
«Па гэтым факце прызначаная праверка», паведамілі ў СК.
Інцыдэнт з выбухам, падчас якога пацярпелі два афіцэра 103-й асобнай гвардзейскай мабільнай брыгады, адбыўся падчас тактычных вучэнняў на палігоне «Лосвіда».
Як паведамілі ў Мінабароны, «Усяго ў вучэннях прымалі ўдзел каля 500 ваеннаслужачых, 10 адзінак бранятанкавай і каля 65 аўтамабільнай тэхнікі».
У ходзе вучэнняў адпрацоўваліся пытанні прымянення аэрамабільнага падраздзялення ў якасці тактычнага паветранага дэсанта, перакідання і высадкі яго пасадачным спосабам, арганізацыі ўзаемадзеяння ва ўмовах складанага становішча, якое хутка мяняецца, прымянення ўзбраення і ваеннай тэхнікі ў ходзе выканання задач па прызначэнні, паведамілі ў Мінабароны.