Мінспорту ўзначаліў прадстаўнік МНС

Лукашэнка ў сераду прызначыў Аляксандра Шамко міністрам спорту і турызму, які да гэтага ў МНС курыраваў зборную каманду па пажарна-ратавальным спорце.

Аб гэтым паведамілі агенцтву «Інтэрфакс-Захад» у прэс-службе кіраўніка.

Сваім памочнікам па пытаннях фізічнай культуры, спорту і развіццю турызму Лукашэнка абраў Максіма Рыжанкова.

А вось яшчэ адно прызначэнне можна расцэньваць знакавым, з серыі «ніхто не забыты». Лукашэнка прапанаваў прызначыць першым віцэ-прэзідэнтам Нацыянальнага алімпійскага камітэта Ігара Рачкоўскага, якога летам давялося звольніць з пасады кіраўніка Дзяржпамежкамітэта пасля плюшавага бамбавання Беларусі.

Рачкоўскі ў цяперашні час узначальвае Беларускую федэрацыю паруснага спорту.

Нагадаем, 28 кастрычніка Лукашэнка звольніў міністра спорту Алега Качана.

На алімпійскім сходзе Нацыянальнага алімпійскага камітэта, які прайшоў 26 кастрычніка, кіраўнік падвергнуў жорсткай крытыцы работу па падрыхтоўцы спартсменаў да Гульняў у Лондане.

«Усе гэтыя няўдачы шмат у чым тлумачацца раз'яднанасцю і ўнутранымі разборкамі ў камандах. А такога быць не павінна, гэта Алімпіяда, і там не месца для высвятлення адносінаў», - заявіў тады Лукашэнка.