Кошты на мяса ў Польшчы і Беларусі. Шок!
234- 4.10.2012, 8:28
Мясная прадукцыя ў Беларусі каштуе ў два разы даражэй, чым у суседняй Польшчы.
«Наша Нiва» параўнала кошты ў Менску і Беластоку.
Кошты на мяса ў польскім гіпермаркеце «Тэско» у Беластоку:
курыца, чвэртачкі - 4,99 злотых, або 13 500 рублёў за кілаграм,
фарш са свініны і ялавічыны свежы - 8,99 злотых або 24 300 рублёў за кілаграм,
філе свініны без костак (філе) - 13,99 злотых або 38 000 рублёў за кілаграм.
У Менску кошты:
курыца, чвэртачкі - каля 30 000 рублёў за кілаграм,
фарш са свініны і ялавічыны свежы - ад 50 000 рублёў за кілаграм,
філе свініны без костак (філе) - ад 70 000 рублёў за кілаграм.
Нагадаем, што ўрад з 4 кастрычніка падымае адпускныя кошты на мяса яшчэ на 30%.
Для даведкі: у Польшчы ў сельскай гаспадарцы працуюць пераважна прыватнікі.
Сялянскае лобі ў польскай палітыцы даволі моцнае. Польская сялянская партыя другі тэрмін запар уваходзіць ва ўрад. Раней у яго ўваходзіла іншая сялянская партыя - «Самаабарона».
Аграгарадкоў у Польшчы не будуюць, а прэзідэнт не праводзіць нарад па арганізацыі пасяўной і ўборачнай.
Тым не менш, сельская гаспадарка краіны працуе дастаткова эфектыўна.
Польскія сяляне моцна выйгралі ад еўразвязаўскіх фондаў і адкрыцця рынку ЕЗ для польскай прадукцыі.