Ганцавіцкую пракуратуру «замінавалі» бутэлькай «чарніл»

3 кастрычніка прыбіральшчыца заўважыла каля будынка ганцавіцкай пракуратуры падазроны заплечнік.

Міліцыя выставіла вакол ачапленне. Тэрмінова былі эвакуяваныя супрацоўнікі пракуратуры і выхаванцы ДЮСШ, размешчанай побач. На месца здарэння прыбылі работнікі ваенкамата, «хуткая» дапамога. З Баранавічаў выклікалі сапёраў, якія прыехалі праз паўтары гадзіны, перадае «Еўрарадыё».

Заплечнік спачатку абнюхаў спецыяльна навучаны сабака, а затым агледзеў сапёр у браніраванай вопратцы. Аднак выявілі ў ім толькі пачатую бутэльку «чарніл», надкусаны батон і яблык.