За экспрэс-пасылкай на мытню «Менск-2» можна не ехаць

У Беларусі ўкараняецца новая форма дастаўкі міжнародных экспрэс-пасылак.

7 снежня ў Нацыянальным аэрапорце Менск рэспубліканскім унітарным прадпрыемствам «Белпошта», рэспубліканскім унітарным прадпрыемствам «Белмытнясэрвіс» і мытняй «Менск-2» падпісанае пагадненне аб тэхналогіі мытнага афармлення экспрэс адпраўленняў, якія дастаўляюцца ў Беларусь міжнародным авіяцыйным паведамленнем па сетках экспрэс - перавозчыкаў, паведамляе прэс-служба Мінсувязі.

Раней адпраўленні пісьмовай карэспандэнцыі і пасылкі, якія паступілі ў краіну па паштовых сетках - афармляліся, апрацоўваліся і дастаўляліся атрымальнікам па месцы жыхарства Рэспубліканскім унітарным прадпрыемствам «Белпошта», а тыя, якія паступілі па сетках экспрэс - перавозчыкаў (TNT, DHL і іншых ) - размяшчаліся на склад часовага захоўвання (СЧЗ), размешчаны на тэрыторыі Нацыянальнага аэрапорта «Менск», куды атрымальнікі з усёй краіны павінны былі прыязджаць для запаўнення і падачы ў мытню «Менск-2» мытнай дэкларацыі на тавары, якія ўвозяцца, і выплаты (пры неабходнасці) ўсіх належных плацяжоў.

Дзеючая схема неаднаразова выклікала нараканні з боку грамадзян, якія не маюць вопыту ў знешнеэканамічнай дзейнасці і вымушаныя марнаваць сілы, час і сродкі на паездку ў Нацыянальны аэрапорт Менск для атрымання адпраўленняў. Грамадзяне, якія не маюць навыку ў змяшчэнні тавараў пад мытную працэдуру, пры дэклараванні нярэдка дапускалі скажэнні і здзяйснялі памылкі, выпраўленне якіх зацягвала час мытнага афармлення.

Пасля падпісання тэхналогіі грамадзянам, якія атрымліваюць экспрэс адпраўленні, прадастаўляецца альтэрнатыўны выбар: альбо асабіста прыбыць у Нацыянальны аэрапорт «Менск» для правядзення адміністрацыйных працэдур па мытным афармленні тавараў, альбо звярнуцца ў бліжэйшае аддзяленне паштовай сувязі, дзе можна запоўніць і падпісаць дамову з РУП «Белмытнясэрвіс» на дэклараванне адпраўлення, якое паступіла ў яго адрас. Атрымаўшы ад РУП «Белмытнясэрвіс» інфармацыю аб належных мытных плацяжах, грамадзянін можа ажыццявіць іх аплату ў тым жа аддзяленні паштовай сувязі, і адпраўляцца чакаць адпраўленне, якое прыбыла, яго дастаўку возьме на сябе РУП «Белпошта».

Спецыялісты РУП «Белмытнясэрвіс» ажыццяўляюць дэклараванне тавараў, а супрацоўнікі РУП «Белпошта» даставяць іх атрымальніку ў аддзяленне паштовай сувязі згодна з адраснымі дадзенымі, названымі ў суправаджальных дакументах.

Паштовыя тарыфы за перавозку і дастаўку адпраўленняў атрымальнікам па Беларусі будуць аплачаны экспрэс-перавозчыкам ў адпаведнасці з прэйскурантам дзеючых тарыфаў на гэтыя паслугі.

Увесці ў дзеянне дадзеную Тэхналогію плануецца з 3 студзеня пасля заключэння адпаведных дамоў экспрэс-перавозчыкаў з РУП «Белпошта».