Польшча падтрымае ўступленне Беларусі ў СГА

Пра гэта паведаміў кіраўнік аддзела садзейнічання гандлю і інвестыцыям амбасады Польшчы ў Беларусі Веслаў Пакладэк.

Пры гэтым польскі бок не настроены аптымістычна з нагоды ўступлення Беларусі ў СГА ў бліжэйшы час.

«Польшча падтрымлівае, і я ўжо гаварыў пра гэта, уступленне Беларусі ў СГА. Гэта станоўча адаб'ецца на тавараабароце паміж Польшчай і Беларуссю, таму што тыя бар'еры, якія цяпер выкарыстоўваюцца, не будуць тады існаваць. СГА прымушае да зняцця такіх бар'ераў. Яе роля ў тым, каб стымуляваць развіццё гандлю», - прыводзіць словы польскага прадстаўніка агенцтва «Прайм».

Пры гэтым ён паведаміў, што Польшча не настроена аптымістычна з нагоды ўступлення Беларусі ў СГА ў бліжэйшы час.

На думку Веслава Пакладэка, уступленне Расеі ў СГА станоўча адаб'ецца на тавараабароце паміж Польшчай і Беларуссю, але ў доўгатэрміновай перспектыве - не раней 2017 года, калі ў Расеі ўступяць у сілу ўсе правілы СГА. «Я думаю, і Беларусь павінна выкарыстоўваць той факт, што Расея «адкрываецца», - сказаў ён.

Веслаў Пакладэк паведаміў, што тавараабарот паміж Польшчай і Беларуссю па выніках 2012 года можа захавацца на ўзроўні 2011 года. «Калі нам удасца захаваць узровень тавараабароту каля 2-2,5 мільярдаў даляраў, гэта будзе добра. Мы разлічваем на 2,5 мільярда даляраў па беларускіх ацэнках. Па польскіх дадзеных павінна быць каля 3 мільярдаў даляраў», - сказаў ён.

Сярод гандлёвых партнёраў Польшчы Беларусь займае 21 месца. У структуры тавараабароту Польшчы доля экспарту ў Беларусь займае 1,07%, імпарту з Беларусі - 0,55%.