Школьнікам прапануюць «стукаць» на бацькоў

У пачатку навучальнага года бацькоў ужо прымушалі запаўняць дзіўныя анкеты.

Аднак ці то бацькі апынуліся «нядобрасумленнымі інфарматарамі», то ці сабраных звестак камусьці здалося мала, але, напрыклад, дабрабыт магілёўцаў спрабуюць «даследаваць» зноў.

Менавіта такая выснова, як піша мясцовы сайт mogilove.com, напрошваецца пры вывучэнні ксеракопіі дакумента з гучнай назвай: «Акт абследавання ўмоў жыцця і выхавання непаўналетняга», які некалькі дзён таму вучні магілёўскіх школ сталі прыносіць дадому з наказам ад класных кіраўнікоў: «запоўніць бацькам».