Акцыя ў Парыжы: свабоду палітвязням Беларусі

19 снежня беларускія эмігранты Францыі правялі пікет у Парыжы, каб выказаць салідарнасць з палітычнымі вязнямі Беларусі.

Сваю падтрымку прыйшлі таксама выказаць прадстаўнікі анархістычнага руху Францыі, Amnesty International, а таксама французскія грамадзяне, неабыякавыя да таго, што адбываецца ў Беларусі.

У гучнагаварыцель распавядалі аб гэтай трагічнай даце ў гісторыі Беларусі, называлі пайменна ўсіх палітвязняў і іх гісторыі. Зацікаўленым таксама раздавалі флаеры. Нягледзячы на дрэнныя ўмовы надвор'я, парыжане спыняліся, каб выказаць салідарнасць з палітычнымі вязнямі і падтрымаць мітынгоўцаў.

Фота: Thomas Canu