19 сакавiка 2024, aўторак, 8:12
Падтрымайце
сайт
Сім сім,
Хартыя 97!
Рубрыкі

Дыктатар адмаўляецца затрымліваць нелегалаў

160
Дыктатар адмаўляецца затрымліваць нелегалаў

Лукашэнка патрабуе ад ЕЗ «мільёны даляраў» на ўтрыманне памежнікаў.

Беларусь не будзе затрымліваць на мяжы нелегальных мігрантаў, якія імкнуцца ў Еўропу, пакуль Еўразвяз не скасуе санкцыі. Пра гэта правадыр заявіў 21 снежня на сустрэчы ў Менску са студэнтамі і выкладчыкамі Беларускага дзяржаўнага ўніверсітэта інфарматыкі і радыёэлектронікі, адказваючы на пытанні аўдыторыі, піша БелаПАН.

«Мы ловім тысячы мігрантаў, затрымліваем тонамі наркотыкі. І калі яны нас пачалі прыціскаць, я памежнікам сказаў: а чаго мы будзем іх лавіць? Яны прыехалі не да нас, хай едуць куды хочуць. І мы так на некаторыя рэчы пачалі глядзець», - цытуе Лукашэнку ягоная прэс-служба.

«І сёння ў Літве, Польшчы ды іншых дзяржавах перапоўненыя мігрантамі адпаведныя лагеры. І штодня просьба: давайце пагаворым, вырашым і гэтак далей. Я кажу: не, хлопцы, пакуль не супакоіцеся і не спыніце размахванне санкцыямі, я больш вас абараняць не буду», - сказаў Лукашэнка.

«Але ёсць яшчэ адзін варыянт - плаціце грошы за гэта. Гэта нямала каштуе. Нам трэба ўтрымліваць мяжу, вайскоўцаў, памежнікаў. Гэта сёння мільёны даляраў. Плаціце - будзем лавіць, няма - будзьце здаровыя», - заявіў ён.

Лукашэнка таксама выказаў меркаванне, што Еўразвяз, узнімаючы тэму Беларусі, спрабуе адцягнуць сваё насельніцтва ад праблем у Еўропе і паказаць, што «ў іншых дзяржавах дрэнна і ЕЗ гэтым займаецца», паведамляе прэс-служба.

Напісаць каментар 160

Таксама сачыце за акаўнтамі Charter97.org у сацыяльных сетках