Намеснік міністра працы: Пытанні аб зарплаце - да Лукашэнкі

У Міністэрстве працы і сацыяльнай абароны Беларусі не вырашаюць, калі і наколькі павышаць зарплату дзяржслужачым.

Як паведаміў у ходзе сённяшняй анлайн-канферэнцыі першы намеснік міністра працы і сацыяльнай абароны Пётр Грушнік, гэта «клопат» Лукашэнкі:

- Рашэнне аб павышэнні заработнай платы дзяржаўным служачым прымаецца Лукашэнкам зыходзячы з фінансавых магчымасцяў дзяржавы.

Чыноўнік таксама распавёў, што ўрадам плануецца павышэнне тарыфнай стаўкі першага разраду для аплаты працы работнікаў бюджэтнай сферы ў 2013 годзе. Канкрэтныя тэрміны яе павышэння ў цяперашні час вызначаюцца.