banner1 banner1 banner1

28.12.2012

Кіраўнік прафсаюзаў Расеі пагражае Лукашэнку санкцыямі важная навіна 107

11:10, — Палітыка

Кіраўнік прафсаюзаў Расеі пагражае Лукашэнку санкцыямі

89 прафсаюзных цэнтраў патрабуюць адмяніць «рабскі дэкрэт» у Беларусі.

Прафсаюзы свету працягваюць кампанію салідарнасці з беларусамі. Да яе далучыўся Міхаіл Шмакаў, старшыня Федэрацыі незалежных прафсаюзаў Расеі, які цяпер з'яўляецца прэзідэнтам Усееўрапейскага рэгіянальнага савета Міжнароднай канфедэрацыі прафсаюзаў, піша «Наша Ніва».

«Сутнасць дэкрэта ў тым, што людзей прымушаюць працаваць шляхам гвалту і «палкавай» дысцыпліны. Чалавецтва даўно мінула стадыю рабаўладання і прыгоннага права. Гісторыя паказала, што такая праца зусім неэфектыўная, - піша Шмакаў у сваім лісце Аляксандру Лукашэнку. - Вымушаны са шкадаваннем адзначыць, што ўмовы дэкрэта шмат у чым нагадваюць дзеянні ўладаў М'янмы, якія трапілі пад рэзкую крытыку Міжнароднай арганізацыі працы і ўсёй сусветнай супольнасці, што прывяло да ўвядзення санкцый, якія прывялі да эканамічнага спаду і міжнароднай ізаляцыі краіны».

Ад імя 89 прафсаюзных цэнтраў з 55 краін Еўропы і Еўразіі Шмакаў заклікаў улады Беларусі адмяніць Дэкрэт №9, згодна з якім кіраўніцтву прадпрыемстваў прадастаўляецца права забараніць работнікам звальняцца на той падставе, што «прадпрыемствы мадэрнізуюцца».

Нагадаем, дэкрэт № 9 абмяжоўвае працоўныя правы работнікаў дрэваапрацоўчых прадпрыемстваў. У прыватнасці, усе яны павінны быць пераведзеныя на кантрактную форму найму, прычым датэрміновае скасаванне кантрактаў у перыяд рэалізацыі інвестыцыйных праектаў (па словах міністра працы і сацыяльнай абароны Марыяны Шчоткінай, гэта 2013-2014 гады) па ініцыятыве работнікаў дапускаецца толькі са згоды наймальніка. Адмова наймальніка ў скасаванні кантракту можа быць абскарджаная старшыні абласнога (Менскага гарадскога) выканаўчага камітэта.

У выпадку парушэння работнікамі гэтых прадпрыемстваў сваіх працоўных абавязкаў і звальнення яны павінны пакрыць грашовыя выплаты, якія будуць налічвацца ім дадаткова да зарплаты. «Пры незвароце дадзеных выплат былымі работнікамі спагнанне гэтых сродкаў будзе ажыццяўляцца па рашэнні суда з іх працоўнага заробку па новым месцы працы. Асобы, якія не знаходзяцца ў працоўных адносінах, падлягаюць працаўладкаванню на ранейшае месца працы з наступным утрыманнем раней выплачаных грашовых сродкаў з іх заработнай платы», - сказана ў дэкрэце.


Навіны
па тэме


Напісаць каментар (107)

Падзяліся!






Учора на сайце:

наведвальнікаў 339501
праглядаў 1804933

Папулярныя навіны

Российский политолог: Путин принял решение по Донбассу (89903)

30.03, 12:19, — Украіна

Дзень Волі ў Менску: Мы - еўрапейцы (Відэа, онлайн) (82200)

25.03, 14:45, — Палітыка

Лукашэнка прамахнуўся з крэдытам (49149)

30.03, 10:36, — Эканоміка

В США рассказали, за какое оскорбление Путин мстит Украине и миру (43698)

28.03, 21:01, — Украіна

Беларускія ўлады гатовыя прыцягваць да крымінальнай адказнасці ўладальнікаў сайтаў і каментатараў (41818)

26.03, 7:05, — Палітыка

Березовец: Порошенко взял паузу. Он решает, что делать дальше (37347)

24.03, 17:35, — Украіна

Российский политолог рассказала о следующем шаге Кремля в Украине (37000)

25.03, 15:50, — Украіна

9 дней по Януковичу-младшему: родные не пришли (36488)

30.03, 10:48, — Украіна

Міхалкоў прапануе браць з беларусаў падатак за доступ у інтэрнэт (34225)

25.03, 15:22, — Грамадства

Ворага інтэрнэту клічуць у Латвію (33107)

27.03, 14:30, Наталля Радзіна — Меркаванне

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: