У Менску трамвай сутыкнуўся з Opel
27- 30.12.2012, 16:42
Аўтамабіль і трамвай не здолелі раз'ехацца на скрыжаванні вуліц Пляханава і Тухачэўскага.
Ад удару аўтамабіль развярнула, і ён знёс светлафор, паведамляе «Салідарнасць».
Са слоў удзельнікаў ДТЗ, аўтамабіль маркі Opel рухаўся па вуліцы Пляханава ў бок праспекта Ракасоўскага. Кіроўца збочваў на вуліцу Тухачэўскага. У гэты ж час на скрыжаванне заехаў трамвай, які адышоў ад прыпынку «вул. Васняцова». Кіроўца аўтамабілю апусціў сонцаахоўны казырок, і не ўбачыў трамвай.
Пазбегнуць сутыкнення не ўдалося.
Ад удару аўтамабіль развярнула, і ён знёс светлафор. На шчасце, ніхто з удзельнікаў ДТЗ сур'ёзна не пацярпеў.
Рух трамваяў у бок Серабранкі быў спынены на гадзіну.