Ільготы для вайскоўцаў скароцяць
14- 14.02.2012, 13:13
У Беларусі распрацоўваецца праект нарматыўнага акта, які рэгулюе ільготнае жыллёвае будаўніцтва для вайскоўцаў.
Пра гэта паведаміў на прэс-канферэнцыі ў аўторак у Менску віцэ-прэм'ер урада Анатоль Калінін.
«Міністэрства абароны распрацоўвае праект указа, згодна з якім ільготы на будаўніцтва жылля атрымаюць толькі вайскоўцы дзеючага войска», - адзначыў віцэ-прэм'ер і дадаў, што вайскоўцы запасу і іншыя катэгорыі будуць будавацца на агульных умовах, згодна з указам прэзідэнта N13.
«Мы чакаем на ўказ у пачатку сакавіка», - дадаў ён.