КДБ пацвердзіў сувязь Брэйвіка з беларускай
6- 2.03.2012, 15:35
КДБ Беларусі пацвярджае факт прыезду ў Менск нарвежскага тэрарыста Андэрса Брэйвіка і ягоных кантактаў з беларускай Надзеяй.
«А.Брэйвік прыбыў 4 сакавіка 2005 года ў нацыянальны аэрапорт «Менск» з Вены рэйсам «ОS-687» з турыстычнай мэтай. Пакінуў А. Брэйвік Беларусь 11 сакавіка 2005 года ў напрамку аэрапорта г. Варшава», паведамілі ў Цэнтры інфармацыі і грамадскіх сувязей КДБ Беларусі.
У ЦІГС удакладнілі, што гэтыя дадзеныя перададзеныя Камітэтам дзяржаўнай бяспекі ў Генеральную пракурору Каралеўства Нарвегіі па хадайніцтве аб аказанні прававой дапамогі.
«Правядзенні праверачных мерапрыемстваў пацверджана, што ў іншыя адрэзкі часу А.Брэйвік Беларусь не наведваў. Пры гэтым улічвалася і магчымасць выкарыстання ім змененых асабістых дадзеных, у тым ліку пры перасячэнні мяжы», - удакладнілі ў КДБ.
Па атрыманых дадзеных, падчас знаходжання ў Менску А.Брэйвік кантактаваў з грамадзянкай Руткоўскай Надзеяй Сяргееўнай, якія пражывалі на той перыяд па вуліцы Садовай мікрараёна Уручча - былога ваеннага гарадка Уручча. «Гэтая акалічнасць пасля стала падставай для выдумак з нагоды наведвання А.Брэйвікам ваеннай базы», - заўважылі ў ЦІГС КДБ.
У цяперашні час Н.Руткоўская меркавана пражывае ў ЗША ў Паўночнай Караліне разам з блізкімі сваякамі. У лютым 2009 года яна выехала ў Германію.
Па выніках праверкі Камітэтам падрыхтаваны адказ, які накіраваны ў Генеральную пракуратуру Рэспублікі Беларусь для давядзення да нарвежскага боку.