Сёння ўначы ў Беларусі зноў не будзе Інтэрнэту

У бліжэйшую ноч «Белтэлекам» правядзе тэхнічныя працы, якія пакінуць без доступу ў Інтэрнэт усіх прыватных правайдэраў Беларусі.

Найбуйныя кампаніі - IP TelCom, «Айчына», Anitex, «Космас ТБ», МТІС, TCM, «Дзелавая сетка» і іншыя - папярэдзілі пра гэта сваіх кліентаў.

Дарэчы, адпаведнай абвесткі няма на афіцыйным сайце «Белтэлекама». У прэс-службе Onliner.by распавялі, што аператыўна даведацца аб працах на сетцы можна з «тэлетайпа» кампаніі. «На працягу дня нашыя тэхспецыялісты паведамляюць пра ўсё, што будзе праводзіцца, інфармацыя абнаўляецца штодня», - распавялі ў «Белтэлекаме».