У Менску падаражэлі грамадскія прыбіральні

Грамадскія прыбіральні Менска, размешчаныя ў спецыяльных кабінках ў розных частках горада, падаражэлі.

У пачатку сакавіка кошт змяніўся з 1200 да 1500 рублёў за наведванне, піша onliner.by.

Пры гэтым у Менску назіраецца дэфіцыт падобных месцаў агульнага карыстання. Напрыклад, прыбіральня на Энгельса - адна з нешматлікіх стацыянарных прыбіральняў, якія працуюць у цэнтры горада. Бліжэйшая знаходзіцца на вуліцы Леніна, але яна зачыненая на рамонт. Па словах супрацоўнікаў установы, у грамадскай прыбіральні маюць патрэбу прыкладна 40 000 чалавек штодня. Мала хто ведае, але пускаць мінакоў ў прыбіральні, якія знаходзяцца ў кафэ, на запраўках і г. д., уладальнікі ўжо не абавязаныя - прынятае некалькі гадоў таму рашэнне аб вольгым доступе было адмененае. Карыстацца прыбіральнямі пунктаў грамадскага харчавання зараз могуць толькі іх наведвальнікі.