Расея працягне пастаўку ЗРК «ТОР-М2Э» на ільготных умовах

Расея ў 2012 годзе працягне ільготную пастаўку Беларусі комплексаў СПА «ТОР-М2Э», паведаміў міністр абароны РФ Анатоль Сердзюкоў.

«У 2012 годзе працягнем ільготную пастаўку зенітна-ракетных камплектаў «ТОР-М2Э» і забеспячэнне падпаддзяленняў сілавых структур Беларусі расейскім узбраеннем і ваеннай тэхнікай», - сказаў А.Сердзюкоў па выніках паседжання сумеснай калегіі міністэрстваў абароны Расеі і Беларусі, якое прайшло ў Менску ў чацвер, перадае «Інтэрфакс».

Ён падкрэсліў, што «па аб'ёмах закупак расейскага ўзбраення і ваеннай тэхнікі Беларусь - лідэр сярод дзяржаў СНД».

«Плануем і ў далейшым рыхтаваць ваенныя кадры Беларусі, у тым ліку на бязвыплатнай аснове», - адзначыў міністр абароны РФ.

Па ягоных словах, у Мінабароны РФ высока ацэньваюць дасягнуты ўзровень адносінаў з ваенным ведамствам Беларусі.

«Вітаем уклад Беларусі ў развіццё абароннага складніка «саюзнай дзяржавы» і АДКБ», - адзначыў А.Сердзюкоў.

Са свайго боку, сказаў С.Сердзюкоў, у Мінабароны РФ «наладжаныя на далейшую інтэграцыю ў ваеннай сферы на прынцыпах раўнапраўя і ўзаемнай выгады».