Новым прэзідэнтам Сербіі стаў апазіцыйны палітык
5- 21.05.2012, 9:55
![Новым прэзідэнтам Сербіі стаў апазіцыйны палітык](https://i.c97.org/p/20120521_nikolich_t.jpg)
Таміслаў Нікаліч, старшыня Сербскай прагрэсіўнай партыі, выйграў прэзідэнцкія выбары ў Сербіі.
Былы прэзідэнт Сербіі Борыс Тадзіч прызнаў сваю паразу, піша «Газета.Ru».
«Я віншую Таміслава Нікаліча з заслужанай і сумленнай перамогай... Жадаю яму ўдачы на гэтай складанай пасадзе», - сказаў Тадзіч.
Апазіцыйны палітык-пераможца Таміслаў Нікаліч назваў гэтую нядзелю «адным з самых шчаслівых дзён у сваім жыцці» і паабяцаў, што Сербія «не збочыць са шляху ў Еўразвяз».
Мінулыя выбары сталі ўжо трэцімі, на якіх Тадзіч і Нікаліч выйшлі ў другі тур. У дзвюх першых дуэлях - у 2004 і 2008 гадах - перамогі атрымліваў Тадзіч. У другім туры прэзідэнцкіх выбараў 2004 года ён набраў 53% галасоў. У 2008 годзе ён прайграў Нікалічу першы тур выбараў, але атрымаў перамогу ў другім.