Пікеты супраць расейскіх класаў у польскай школе забаранілі
28- 22.05.2012, 14:19
Улады Гродна не дазволілі правесці пікеты супраць змены моўнага рэжыму ў школе № 36 з польскай мовай навучання.
Адзін з падпісантаў Мечыслаў Яскевіч патлумачыў, што заява ў гарвыканкам падавалася на чатыры пікеты. Аднак прыйшла пісьмовая адмова: пікеты не ўзгодненыя з міліцыяй і іншымі службамі, перадае «Радыё Свабода».
Бацькі вучняў хвалююцца, бо ўлады плануюць размясціць у школе № 36 класы з расейскай мовай навучання.
Улады спасылаюцца на перагружанасць іншых школ у мікрараёне «Дзевятоўка».
Школа з польскай мовай навучання была пабудаваная ў сярэдзіне 1990-х гадоў на грошы польскага ўрада. Заняткі ў ёй праходзяць у адну змену.