Былы дыктатар Ліберыі прысуджаны да 50 гадоў турмы
11- 30.05.2012, 13:18
Спецыяльны суд па Сьера-Леонэ сёння прысудзіў да 50 гадоў турэмнага зняволення экс-прэзидэнта Ліберыі.
Чарльз Тэйлар быў прызнаны вінаватым у ваенных злачынствах і злачынствах супраць чалавечнасці, паведамляе Reuters.
У ходзе праведзенага ў Гаазе 26 красавіка паседжання Спецыяльнага суду Тэйлар быў прызнаны вінаватым па ўсіх пунктах прад'яўленых яму абвінавачванняў, у тым ліку ў дапамаганні паўстанцам у Сьера-Леонэ падчас грамадзянскай вайны 1991-2002 гадоў.
Бок абвінавачвання дамагаўся для экс-прэзідэнта 80 гадоў турэмнага зняволення.
З-за меркаванняў бяспекі вердыкт быў вынесены ў Нідэрландах, а не ў сталіцы Сьера-Леонэ Фрытауне, дзе знаходзіцца штаб-кватэра суда.
Адбываць пакаранне Тэйлар будзе ў турме ў Вялікабрытаніі.