«Белтэлекам» да канца года павялічыць кошты на званкі

У гэтым годзе магчыма павышэнне кошту паслуг фіксаванай тэлефоннай сувязі.

Аб гэтым паведаміў сёння журналістам генеральны дырэктар РУП «Белтэлекам» Сяргей Папкоў, перадае карэспандэнт БелТА.

Паводле яго слоў, пытанне аб павышэнні цэн на паслугі фіксаванай тэлефоннай сувязі будзе вырашацца ў трэцім квартале 2012 года. Як яно будзе вырашана, будзе залежаць ад тэмпаў развіцця гэтага кірунку і фінансава-эканамічнай сітуацыі ў краіне. «Нам лішніх грошай не трэба», - запэўніў кіраўнік кампаніі.

Сяргей Папкоў звярнуў увагу, што ў мінулым годзе «Белтэлекам» не паднімаў кошты на свае паслугі. У першым паўгоддзі нацыянальны аператар электрасувязі павысіў тарыфы на большую частку паслуг, аднак рост коштаў быў не такім значным, як у іншых аператараў. У цяперашні час паслугі фіксаванай тэлефоннай сувязі не спалучаны з высокай рэнтабельнасцю. Звязана гэта з тым, што насельніцтва Беларусі стала радзей карыстацца паслугамі фіксаванай тэлефоннай сувязі. Напрыклад, сёння каля 50% абанентаў дастаткова 60 льготных хвілін, г.зн. кампанія практычна аказвае сацыяльныя паслугі.

Разам з тым замежныя эксперты прадракаюць у бліжэйшыя 2-3 гады ўзмацненне попыту на паслугі фіксаванай сувязі. «Фіксаваная сувязь у бліжэйшыя гады верне свае пазіцыі за кошт надзейнасці, якасці і высокіх хуткасцяў», - лічыць гендырэктар.