Дыктатар сабраўся прадаваць «лішкі» зброі

Лукашэнка 16 ліпеня прыняў з рабочым дакладам старшыню Дзяржаўнага ваенна-прамысловага камітэта Сяргея Гурулёва.

«Хацеў бы перш за ўсё пачуць, як рэалізуюцца даручэнні, дадзеныя мною ваенна-прамысловаму комплексу пры вашым прызначэнні. Шэраг пытанняў застаўся з мінулых гадоў, якія нам трэба будзе вырашаць», - сказаў беларускі кіраўнік.

«Галоўнае - не памыліцца. Нам не трэба хапацца за ўсе тэмы, - падкрэсліў Лукашэнка. - І не варта сёння вынаходзіць нейкі ровар, які наогул нам не патрэбен. Для нашага войска трэба сучаснае ўзбраенне, а лішкі, калі такія створым, мы маем права і будзем іх прадаваць, не парушаючы міжнародныя дамовы».

У сувязі з гэтым Аляксандр Лукашэнка пацікавіўся сітуацыяй на прадпрыемствах ВПК, параметрамі іх знешнегандлёвага сальда, паведамляе БелТА.

Як далажыў Сяргей Гурулёў, абаронны комплекс дзяржавы развіваецца цалкам рытмічна. «У цэлым за перыяд існавання незалежнай рэспублікі мы ні разу не парушылі міжнароднае права. І ўсе спробы за вушы прыцягнуць тыя ці іншыя парушэнні пацярпелі няўдачу», - адзначыў ён.