Праваабаронцы вітаюць выключэнне Стэфановіча са спісу невыязных
5- 25.07.2012, 13:46
Абсерваторыя па абароне праваабаронцаў вітае рашэнне беларускіх улад дазволіць Валянціну Стэфановічу выезд з краіны.
Як паведамляў раней сайт charter97.org, суд Цэнтральнага раёна Менска разглядаў скаргу намесніка кіраўніка ПЦ «Вясна» Валянціна Стэфановіча на дзеянні Міністэрства абароны і Міністэрства ўнутраных спраў, якія ўнеслі яго ў «чорны спіс». Падчас судовага пасяджэння кіраўнік аддзела міграцыі Дэпартамента па грамадзянстве МУС Аляксей Бягун падаў афіцыйныя дакументы, якія пацвярджаюць выключэнне Стэфановіча са спісаў невыязных.
Праваабаронцу забаранілі выезд з краіны 27 сакавіка. Яго затрымалі на памежным пераходзе «Каменны Лог» на беларуска-літоўскай мяжы.
Абсерваторыя па абароне журналістаў - сумесная праграма Сусветнай арганізацыі супраць катаванняў і Міжнароднай федэрацыі праў чалавека - вітае рашэнне аб вяртанні праваабаронцу права на свабоднае перамяшчэнне, гаворыцца ў афіцыйнай заяве (пераклад - charter97.org).