Беларуская каўбаса нашпігаваная антыбіётыкамі

У Смаленску знайшлі няякасную мясную прадукцыю з Беларусі.

Якасць каўбасы з Беларусі ўжо не ў першы раз выклікае падазрэнне спецыялістаў Рассельгаснагляду, паведамляе smolcity.ru.

Па выніках лабараторных даследаванняў у двух партыях гатовых мясных вырабаў Слуцкага мясакамбіната Рэспублікі Беларусь рэферэнтны цэнтр Рассельгаснагляду ўстанавіў перавышэнне зместу антыбіётыкаў тэтрацыклінавай групы.

«Акрамя таго, тры партыі малочнай прадукцыі вытворчасці ПУП «Мазырскія малочныя прадукты» не адпавядаюць паказчыкам нормы», - сказала Святлана Земчанкова, памочнік кіраўніка ўпраўлення Рассельгаснагляду па Бранскай і Смаленскай абласцях.