Міцкявічус: Прававая дапамога Менску можа супярэчыць законам Літвы

Кіраўнік літоўскага Інстытута па назіранні за правамі чалавека патрабуе ацаніць беларускі запыт аб дапамозе ў расследаванні «плюшавага дэсанта».

Літва ў адпаведнасці з уласнымі каштоўнасцямі павінна ацаніць зварот Беларусі з просьбай пачаць расследаванне аб парушэнні дзяржаўнай мяжы, так як праваабаронцам дзейнічаць законна ў рамках рэжыму Аляксандра Лукашэнкі немагчыма, лічыць Генрыкас Міцкявічус.

Праваабаронца звярнуў увагу на тое, што ў двухбаковай літоўска-беларускай дамове прадугледжана, што прававая дапамога не прадастаўляецца ў тым выпадку, калі гэта супярэчыць асноўным прынцыпам заканадаўства дзяржавы, паведамляе ru.delfi.lt са спасылкай на BNS.

«Гэта становішча павінна ацэньвацца з нашага пункту гледжання, не беларускага. Калі, на наш погляд, прадастаўленне інфармацыі ці іншай дапамогі супярэчыць прынцыпам і каштоўнасцям, замацаваным у нашай Канстытуцыі - а адным з асноўных з'яўляецца абарона праў чалавека - то нельга прадастаўляць інфармацыю і іншую дапамогу» , - сказаў Міцкявічус.

На думку праваабаронцы, у недэмакратычных і ігнаруючых правы чалавека краінах акцыі, якія парушаюць фармальныя межы законнасці, могуць быць апраўданыя.

«У дэмакратычнай прававой дзяржаве неабходна дзейнічаць у рамках законаў, палітычнай сістэмы, і толькі ў выключных выпадках магчымы грамадзянскія акцыі непадпарадкавання», - сказаў Міцкявічус.

«Зусім іншая размова, калі гаворка ідзе пра дзяржавы, якія відавочна не дэмакратычныя, не прававыя, парушаюць правы чалавека. У такім выпадку, межы дзеяння праваабарончых арганізацый, пашыраюцца, так як дамагчыся чагосьці на законнай падставе практычна немагчыма. Рэжым адмаўляе магчымасць дзейнічаць грамадзянскаму сектару, выказваць сваё меркаванне, кагосьці крытыкаваць. Таму акцыі, якія пераступаюць мяжы законнасці, заслугоўваюць апраўдання, так як мэта высокая і апраўдвае сродкі. У дадзеным выпадку, кажучы аб межах, трэба казаць не аб праве, а аб маралі», - сказаў Міцкявічус.

Шведскія актывісты паведамілі, што ў ліпені яны незаконна патрапілі ў паветраную прастору Беларусі і выкінулі сотні плюшавых мішак на парашутах, да якіх былі прымацаваныя паперкі з заклікамі забяспечыць свабоду слова і правы чалавека.

Беларускі бок спачатку адмаўляў гэты факт, потым Аляксандр Лукашэнка звольніў камандуючага ВПС і прыгразіў Літве, таксама выгнаў шведскага амбасадара. Беларусь афіцыйна звярнулася да Генпракуратуры Літвы з просьбай аб прававой дапамозе па гэтай справе.

Па словах Генпракуратуры Літвы, расследаванне пачата па факце незаконнага перасячэння мяжы і парушэння правілаў міжнародных палётаў.