Школьнікаў могуць прымусіць вучыцца першую палову чэрвеня
68- 28.08.2012, 17:22
Як раней паведамляла Міністэрства адукацыі, у школах хочуць павялічыць колькасць гадзін навучання матэматыцы і фізіцы.
Таксама ў гэтым годзе для выпускнікоў школ становіцца абавязковым экзамен па замежнай мове. Таму і ўрокаў па гэтай дысцыпліне таксама стане больш. Пры гэтым колькасць гадзін па іншых школьных прадметах скарачаць не збіраюцца, піша onliner.by.
Сёння на прэс-канферэнцыі ў Менску намеснік міністра адукацыі Рэспублікі Беларусь Васіль Будкевіч паведаміў, што «ніякай праблемы ў гэтым няма».
«Мы проста павялічым на пару тыдняў навучальны год за кошт чэрвеня, - сказаў ён. - У гэтым няма нічога страшнага, летнія канікулы і так доўгія. Але гэта пакуль варыянт, які распрацоўваецца».
Таксама на канферэнцыі паведамілі, што з 1 верасня ў краіне адкрываюцца 6 новых школ.