У менскім аэрапорце арматурная сетка пакалечыла расейца

Праваахоўныя органы праводзяць праверку па факце траўміравання днём 7 жніўня ў Менску грамадзяніна Расіі.

Як паведамляе БелаПАН, 7 жніўня ў Менскі аддзел транспартнай міліцыі на паветраным транспарце паступіла паведамленне, што ў 15.00 на тэрыторыі РУП «Нацыянальны аэрапорт Менск» пры ажыццяўленні работ па будаўніцтву ўчастка перона арматурнай сеткай, паднятай з зямлі парывам ветру, траўміраваны 21-гадовы грамадзянін Расеі .

Ён дастаўлены ў шпіталь з дыягназам: выцятая рана мяккіх тканін спіны і пляча, закрытая чэрапна-мазгавая траўма.