Беларусы Літвы і Польшчы сабраліся пад Варшавай (Фота)
1- 10.09.2012, 17:04
У Дзень беларускай вайсковай славы каля польскай сталіцы прайшоў турыстычны злёт.
Мерапрыемства, арганізаванае «Беларускім домам у Варшаве», фондам «Еўрапейская Беларусь», Беларускім грамадзянскім і палітычным прадстаўніцтвам у Літве і клубам Rodzinka, адбылося ў мястэчку Рудка, паведамляе belhouse.org.
У турзлёце прынялі ўдзел каля 50 чалавек. Для іх былі арганізаваныя конкурсы і спартыўныя мерапрыемствы.
«Такія мерапрыемствы сёння набываюць новыя сэнс і карысць, - кажа адзін з арганізатараў мерапрыемства Зміцер Бародка. - Мы ж днямі і начамі сядзім за кампутарамі. А тут - не толькі прырода, а яшчэ і спартыўны азарт, магчымасць самога сябе праверыць».