Ахмадзінежад абвінаваціў ворагаў у адсутнасці дажджоў
50- 12.09.2012, 9:10
Прэзідэнт Ірана Махмуд Ахмадзінежад абвінаваціў ворагаў сваёй краіны ў засухе.
«Вораг знішчае хмары, якія рухаюцца ў бок нашай краіны. Гэта вайна і Іран у ёй пераможа», - заявіў ён.
Тэрыторыя Ірана - адзін з самых засушлівых раёнаў свету. Па словах спецыялістаў, у гэтым годзе востры недахоп ападкаў прывёў да яшчэ большай засухі, што можа негатыўна адбіцца на ўраджаі, перадае Reuters.
У мінулым годзе Махмуд Ахмадзінежад ужо заяўляў, што заходнія дзяржавы ўступілі ў змову з мэтай знішчыць Іран, штучна пазбаўляючы краіну дажджоў.