Трэнер Яфімаў: Дадаў меценалон у каву Астапчук
67- 12.09.2012, 11:16
Аляксандр Яфімаў спадзяваўся, што забаронены прэпарат пакіне арганізм спартсменкі яшчэ да прылёту ў Лондан.
Пра гэта ён распавёў у інтэрв'ю газеце «Прессбол».
- Аляксандр Мікалаевіч, справа прыняла нечаканы абарот. Вы сапраўды падсыпалі Надзеі забаронены прэпарат?
- На жаль, гэта так.
- Але гэта супраць здаровага сэнсу!
Вы ведаеце, у якой псіхалагічна складанай сітуацыі мы рыхтаваліся да Алімпійскіх гульняў.
З аднаго боку, нас шантажавалі на прадмет станоўчых допінг-пробаў, хоць усе яны далі адмоўны вынік.
З іншага - ад нас чакалі медалі. І не проста медалі, а золата.
Па словах Яфімава, да ўжывання допінгу яго падштурхнула няўдалая трэніроўка Астапчук 30 ліпеня. Прэпарат меценалон ён, нібыта, меў для сябе. Гэты прэпарат ён і дадаў у каву Надзеі Астапчук.
Нагадаем, трэнера чакае 4-гадовая дыскваліфікацыя, а Астапчук - гадавая з магчымасцю скарачэння тэрміну.