На фабрыцы ў Пакістане згарэлі 110 чалавек

Падчас пажару на швейнай фабрыцы ў пакістанскім горадзе Карачы загінулі больш за 110 рабочых.

Пажар успыхнуў на швейнай фабрыцы ў аўторак вечарам, перадае ВВС.

Па словах мясцовых чыноўнікаў, з агнём змагаліся каля 40 брыгад.

Паведамляецца, што пажар у будынку фабрыкі ў Карачы тушылі ўсю ноч.

«Без пажарнага выхаду»

Міністр інфармацыі правінцыі Шарджа Інам Мемон і начальнік пажарнай службы Карачы Эцешам Салім лічаць, што колькасць загінулых можа вырасці, бо ў будынку было шмат людзей, і пакуль невядома, колькім удалося выратавацца.

Салім таксама сказаў агенцтву Франс прэс, што пажар быў, магчыма, «самым буйным у горадзе за некалькі дзесяцігоддзяў з пункту гледжання колькасці загінуўшых».

«Мы знайшлі рэшткі людзей, якія загінулі ад ўдушша, выкліканага высокай таксічнасцю дыму. Яны памерлі, а затым бушуючае полымя спаліла іх целы», - сказаў ён.

Па словах аднаго з тых, што выратаваліся, рабочыя былі заспеты знянацку.

«Гэта было жудасна. Увесь паверх раптам узгарэўся, і жар быў такім, што мы кінуліся да вокнаў, пачалі ламаць сталёвыя рашоткі, потым разбілі шкло і сталі выскокваць», - сказаў фабрычны рабочы Мухамед Салім, які знаходзіцца ў шпіталі.

«Я ўпаў на зямлю і адчуў моцны боль. Я бачыў, як многія выскоквалі з вокнаў, крычалі ад болю і клікалі на дапамогу», - сказаў ён.

Кіраўнік пажарнай службы Карачы Эцішамуд Дзін сказаў, што яго людзі спрабавалі выратаваць каля 20 чалавек, якія апынуліся ў пастцы ў падвале і на чацвёртым паверсе.

Паводле яго слоў, пры праектаванні будынка не быў прадугледжаны пажарны выхад, і людзі апынуліся ў пастцы. Большасць ахвяраў загінулі, задыхнуўшыся дымам.

Вядзецца расследаванне прычын пажару, паведамляе паліцыя.

Раней пажар успыхнуў на абутковай фабрыцы ў Лахоры. У агні загінулі 23 чалавекі.

Пажар у Лахоры ўзнік з-за няспраўнага электрагенератара. Па словах дактароў, некаторыя былі спаленыя жывымі, іншыя памерлі, задыхнуўшыся дымам.